Ne asil u kerim idi Osman Pek büyük kahramandı bu Sultan
Eyledi hüsn-i hidmetini tazmin Virdi beglik ana Ala’ü’d-din
Tayyibin-i hasdır şerifata Oldı damad bir veli zata
Satveti da’im i’tilâ itdi Müstakil beglik oldı memleketi
Bilecik tekfurı bidayetde Hoş geçindi anınla gayetde
Sonradan mahvın eyledi taşmim O şadakat-füruş şahs-ı leim
Mir Osman mukabele itdi Koca tekfur cehenneme gitdi
Elli mikdarı kahraman cündi Kadın esvabın iktisa itdi
Düşmen-i dini itdiler iğfal Cümlesin merge itdiler işal
Bilecik oldı Türk’e böyle nasip Ne müdebbir imiş o şah-ı Edib
O sıra oldı Nilüfer Hatun Orhan’a zevce-i Huda-makrun
Harb idilmişdi kahramanane İnegöl geçti dest-i Osman’a
Karaca şehri de idüp teshir Orda itdirdi hutbeyi tezkir
İtdi ta’yin kazılar yer yer Mülkine adli şokdı ser-ta-ser
Bütün İzmit civarını aldı Bu zamime büyük Sa’adetdi
Eyledi ihtiva Köse Mihal Bu da İslam oldı nev-ikbal
Marmara İmralı bizim oldı Nur-ı behcetle kalbler toldı
Küçcük bir kabileden o re’is Koca bir devlet eyledi te’sis
Yenişehr oldı payıtahtı anun Parladı namı şah-ı Osman’ın
Himmet u adl u re’feti çokdı O şeca’atse kimsede yokdı
Burusa’ya hahiş-i visal itdi Fethden evvel intikal itdi
Beden-i paki Burusa’da medfun O güzel yerdedir o nur-ı uyun
İşte bu gazi-i zevi’l-himmet İtdi Osmanlı devletin devlet
Çok iken böyle şöhret ü zaferi Kaldı yalnızca bir süri davarı
Hazırlayan Bilal Güzel, Mehmet Cemil (Müellif), Muhtasar ve Manzum Tarih-i Osmâni, 2017, s.11-13
TURHAN ŞAHİN'İN İNEGÖL ŞİİRLERİ isimli eserinden düzenlenip yayına hazırlanmıştır.
